Kamień
Jon utulna lažyć u levaj dałoni. Jon ciahnie ruku, u jakoj lažyć, da serca. Jon choča słuchać deep-minimal-techno majho serca.
Znajšoŭ na poli. Na miažy lesu. 22 Červienia. Jakaja roźnica jakoha hodu… Učora? Jakaja roźnica, kali nieba – viečnaje, nieruchomaść abłokaŭ – biełaja, śpioka – biaźlitasnaja, trava – miakkaja, vałoški – sinija, ramonki – moŭčki hladzać u zrenki. Jak tady. Jak zaŭsiody.
Forma — amal romb. Koler — milky-moon. Viedaju, što my z im budziem rabić. Budu padpitvać jaho ciapłom. A kali treba – dzie b ja ni byŭ – prosta padahnu palcy-kipciury, nibyta jon u dałoni. I voraham nastanie peace_death.
Jon choča mnie niešta raskazać. Historyju. Pra što? Pra toje, chto i što z im rabiŭ raniej? Pra kamisara partyzanskaj bryhady – čornabarodaha Piatra? Pra sturmbanführera specajalnaha addziełu Paula? Pra žach, jaki jon navodziŭ na chłopcaŭ z karnaha atradu? Pra partyzanskuju suviaznuju Arynku? Pra čyrvonyja pentagrammy i runy, jakimi raspisaŭ jaje maładoje ciela Paul? Pra spakoj jaje šerych vačej?…
… chaj raskazvaje. Ja pasłuchaju. Mabyć navat zapišu.