Interviju: DJ Android
23 śniežnia ŭ Miensku na viečarynie techno/psy-trance supołki Euthanasia majuć vystupić dva techno dj ź Litvy — DJ Android (Evilspot/VAULT) i DJ Anna Lua [subTEK.Unit].
Niekalki tydniaŭ tamu ja trapiŭ adrazu na dźvie viečaryny z Androidam — u Vilni i ŭ Koŭnie. Andrius ihraŭ vielmi cikavuju žorstkuju muzyku, jakaja musić pryjścisia da spadoby biełaruskim amataram hard-techno.
Prapanuju nievialičkuju razmovy z Androidam.
— U klubie VAULT i na viečarynie LostTerra ty adyhraŭ davoli roznyja sety. Jaki tabie samamu najbolš spadabaŭsia? Jakuju muzyku tabie bolš cikava i pryjemna ihrać — radykalna žorstkuju albo z elementami deep/intelligent?
— Nie chaču adroźnivać, abodva sety byli davoli fajnyja. Padabajecca ihrać ŭ abodvuch stylach, pra jakija ty kažaš — zaležyć chiba što ad taho, dzie adbyvajecca viečaryna.
— Acharaktaryzuj svoj styl u niekalkich słovach
— Ciažkaje, ciomnaje i enerhičnaje techna.
— Apišy techna ŭ troch słovach. Tvaje pieršyja asacyjacyji.
— Ciemra, rytm, enerhija.
— Ty kažaš, što lubiš “hard-techno”? Što dla ciabie “hard”?
— Hetaje słova dla mianie šmat značyć, bo vielmi zmianiła majo žyccio — niesumnienna ŭ lepšy bok.
— Ci doŭha ty užo ihraješ techna? Jak za hety čas zmianiŭsia tvoj styl — staŭ bolš žorstkim, ci deeper ?
— Ihraju ŭžo 8 hod. Fanateku imknusia papaŭniać i ciažkaj i, jak ty kažaš, deeper muzykaj. Tak što, maja muzyka zaŭždy pulsuje ciomnymi i žorstkimi rytmami.
— Favourite musicians/labels/djs at the moment?
— U apošni čas na hard-techno scenie zjaŭlajecca šmat novych imionaŭ, jakija dobra kankurujuć sa starymi “grandami”, i čyje płyty ja z zadavalnieńniem kuplaju. Heta takija imiony, jak Alex Calver i Scott Kemix . Siarod favarytaŭ nazaŭždy zastanucca Hardtrax, Jackhamma, O.B.I. i h.d.
— Dzie bolš pryjemna ihrać - u takim techna-klubie, jak Vault? na open-air? Ci niama roźnicy?
— Dzie ihrać — maje vielmi vialikuju značnaść. Padabajecca ihrać tam, dzie atmasfera adpaviadaje duchu techna muzyki. Vielmi dobry prykład — klub VAULT :)
— Jakuju publiku ty lubiš? Što robiš, kali ludzi nie nadta aktyŭna reahujuć na muzyku?
— Lublu pa-varjacku viasiolłuju publiku. Kali baču, što publika nia nadta aktyŭnaja, padbiraju takuju muzyku, kab zachapić navat tych, chto stamilisia.
— Jak ličyš, jakija faktary ŭpłyvajuć na pośpiech viečaryny?
- Muzyka
- Miesca
- Publika
Kali ŭsie try harmanična spałučajucca — viečaryna atrymajecca.
— Ty sam lubiš tančyć?
— Redka atrymlivajecca patančyć. Mnie padabajecca ihrać, kali tancujuć inšyja :)
— Jakuju jašče muzyku, akramia techna, ty lubiš?
— Doma, kab rassłabicca, lublu pasłuchać IDM, minimal techno ci ambient.
— Što ciabie natchniaje ŭ žycci, aproč muzyki?
— Akramia muzyki, natchniaje maja dziaŭčyna. Lublu kino, lublu byvać na pryrodzie.
— Ci śniš pra muzyku, pra dj-ing?
— Byvaje :)
— Nakolki naohuł dla ciabie važnaja muzyka? Možaš ujavić, što adnojčy spyniš zajmacca dj-ingam?
— Muzyka — heta majo žyćcio. Majo paklikańnie. Dakładna viedaju, što ihrać budu jašče doŭha-doŭha. Chiba što ŭ budučyni ščylniej zajmusia stvareńniem svajoj muzyki.
— Ty ihraješ tolki ź vinilu? Jak stavišsia da ihry na CD ci z dapamohaj pragramaŭ kštaltu “Traktor”?
— Ihraju ź viniła, ale kali-niekali ŭstaŭlaju ŭ set štości z CD — toje, рto nie vydavałasia na płytach. A na traktary ihrajuć tyja, chto nia choča nasić ciažki kejs z płytami :)
— Jak pa-tvojmu, techna kali niebudź pamre? Ci pamrom my, a techna zastaniecca? :)
— Miarkuju, što techna nie pamre, jano budzie tolki razvivacca, zjavicca bolš raznastajnych žanraŭ.
— Jak ty aceńvaješ sučasnuju techna-scenu — u śviecie, u Litvie?
— Fajna, što i ŭ Litvie, i va ŭsim śviecie amataraŭ hard-techno ŭsio boleje!!! Heta stymuluje — chočacca ihrać i ihrać!
— U jakich krainach\haradach tabie najbolš spadabalasia vystupać?
— Za miažoj pakul što ihraŭ dvojčy — u Łatvii i ŭ vas, na Biełarusi. U vas mnie spadabałasia bolš! :) Spadziajusia, nie rasčarujusia i hetym razam!!!
— Čaho čakać biełaruskim amataram techna 23 śniežnia?
— Zmročnaha, žorstkaha, chutkaha i enerhičnaha techna !!!!!!! :)