WordPress блогерам: Рэтрансляцыя навінаў з блакаваных сайтаў
Яшчэ адзін спосаб, які дапаможа распаўсюджваць інфармацыю у выпадку блакавання апазіцыйных сайтаў.
Патрабаванні: асабісты хостынг і блог на сістэме WordPress.
Што будзем рабіць: рэтрансляваць RSS-стужкі на сваім сайце.
Як: пры дапамозе Friends RSS plug-in
Спосаб заснаваны на тым, што некаторыя сайты ў выпадку блакавання, будуць дубляваць інфармацыю праз LJ-акаунт (напрыклад: charter97.livejournal.com) ці яшчэ нейкім чынам.
Зразумела, можна той жа акаунт Хартыі97 дадаць у сваю LJ-фрэнд-стужку. Гэты спосаб вельмі падобны да такога. І, вядома, RSS-стужкі, у тым ліку - LJ-акаунты можна чытаць звычайным RSS-агрэгатарам.
Адрознасць гэтага спосабу ў тым, што уладальнік WP-блога можа сабраць найбольш цікавыя RSS-фіды на адной старонцы.
Увага: хацелася б, каб і астатнія інфармацыйныя рэсурсы па прыкладу Хартыі97 парупіліся наконт дублявання навінаў праз LJ, або яшчэ дзесьці па-за асноўным сайтам. Галоўнае, каб на выхадзе была RSS-стужка.
Перш за ўсё хацелася б, каб гэта зрабілі сайты кандыдатаў—
milinkevich.org і kozylin.com
— бо 2 саквіка, калі гэтыя сайты часам “ляжалі”, немагчыма было чытаць іх ні праз браўзэр ні праз RSS. Калі б яны дублявалі навіны ў ЖЖ — можна было б чытаць адтуль.
Сайт АГП - ucpb.org - даваў шмат даволі аператыўнай інфармацыі, але наогул ня мае RSS і ЖЖ-шнай копіі. Яшчэ ёсць час змяніць сітуацыю.
Усталёўваем на свой WordPress блог Friends RSS plug-in, які дае магчымасць зрабіць аналаг ЖЖ-шнай фрэнд-стужкі.
Пераклад інструкцыі распрацоўшчыка:
1. Плагін можна ўзяць тут.
2. Распакуйце і загрузіце файлы на сайт — у дырэкторыю “plugins”. Звычайна яна знаходзіцца тут - $WP/wp-content/plugins. $WP - дырэкторыя, куды ўсталяваны Wordpress. У дырэкторыі з плагінамі адшукайце дырэкторыю ‘friends-rss’.
3. У ‘friends-rss’ зрабіце яшчэ адну дырэкторыю - ‘cache’ і надайце ёй дазвол на запіс ( правы 777) - гэта можна зрабіць праз FTP-кліент, або ў панэлі кіравання сайтам.
4. Актывізуйце плагін у панэлі кіравання WP.
5. Знайдзіце ў меню пункт ‘Options -> Friends RSS’ і там пазначце абсалютны шлях да cache-дырэкторыі (напрыклад
/home/public_html/wp-content/plugins/friends-rss/cache).
6. У панэлі кіравання спасылкамі стварыце новую катэгорыю спасылак - ‘Friends’. Важна: дзеля кожнай спасылкі ў гэтай катэгорыі пазначайце яе RSS-адрас у полі “RSS URI” (а не ў полі “Link URI”), інакш RSS-стужка не будзе знойдзеная.
7. Скапіюйце ‘linkfeeds_by_date.php’ з дырэкторыі “example_templates” у дырэкторыю з вашай актыўнай WP-тэмай.
8. У панэлі кіравання WP стварыце новую старонку (не запіс). Пазначце шаблён старонкі як ‘Link RSS Feeds By Date’. Тое, што напішаце ў палях ‘Page Title’ and ‘Page Content’ — будзе ўверсе старонкі.
9. Калі вы назвалі катэгорыю спасылак не ‘Friends’, а неяк інакш — трэба будзе адпаведным чынам адрэдагаваць шаблён.
10. Зараз вашая фрэнд-старонка мусіць працаваць. Вось мая:
http://pavel-ambiont.com/nocomments/friendly_feeds/
Дадаваць “сяброў” проста: у панэлі кіравання спасылкамі дадайце новую RSS-стужку.
Некаторыя цікавыя стужкі:
http://charter97.livejournal.com/data/rss
http://rss.svaboda.org/programs.rss
http://by.milinkevich.org/rss/
http://news.google.com/news?hl=en&ned=us&q=Belarus&ie=UTF-8&output=rss
11. Ну і галоўнае — не забудзьцеся паведаміць адрас сваей “фрэнд-старонкі” тым, хто мае патрэбу ў атрыманні інфармацыі.